شِعر| محمد خميس
أبويا اللي دمّع لإني زوِرت
ودمعُه ف جيشي لإني كبِرت
وقولته ف نهاية جيشي .. أنا
“ماشوفتش ضنايا بقالي سنة“
أبويا اللي يوم وقفتي مانسيهاش
وقوفي اللي جنب اللي وِقفه بلاش
وسَنْدُه ف ضَهر السنين العجاف
دفاه اللى جاني فى عز ارتجاف
يطبطب على نقطة الضعف فيا
يخلي ..في عين ضعفي شوكتي قوية
ويوسع براح حضنُه قلبي اللي خاف
وقولتله نجاحنا هنِكمَل معاه
وكلّ اللي وقّف قصاده فداه
شكرًا يابويا وعِزّي واخويا
وضنايا اللي من صلبُه جيت الحياه
أبويا اللي حُبه معايا ف سنيني
أبويا اللي دايما بأزوره بحنيني
ولو مَسّ وِلدك متاعب يا أبويا
فَحضنك في ذكرى بيمسح أنيني
Like!! Really appreciate you sharing this blog post.Really thank you! Keep writing.