Booking.com
Booking.com

حياتي راحت .. كلمات| محمد خميس الحاوى

فات قلبي واخد دقاته وحياته من بعده كرب
آه يا عيني على قلب بيجي يدخل “حُب” بيدخل حرب
على حالُه كده قلبي وخايف من خوفه كدة فجأة يطُب
كل الحسبة حياتي راحت بتدور عليه

الدنيا ف قُربه غير بَعده .. وكأن الأرض غير الأرض
زي ما تنزع م الشوك ورده ويتبقالك شوك مش ورد
قلبي اللي فطمته على بعادك حاسس بعد دفاك بالبرد
طب ليه بقى كان قربك قبلا من حضني يدفيه

ضحكاته معايا وآهاته ف شكايته وطبطبتُه ف مُر
وعذوبته ف صبار أيامي خلّت وقت الشدة يمُر
وخدوه الأيام مني وجرّوا ، وقلبي ف تتبيته بيجر
صعب يشوف دقاته بعيده بعد ما كات فى إيديه

صعب قوي أقنع نبضي بغيره واسألوا حتى النبض ان دق
آخر شيء يخطر على باله يسيبه زمانه بعد ما رق
تفاصيل التفاصيل كان فيها، وكان فيها دايما على حق
وإزاي فجأة الود يجيله البعد بنار تكويه
تأليف الشاعر | محمد خميس الحاوى

Leave a Reply

Your email address will not be published. Required fields are marked *

Booking.com